Gwasanaeth Gwybodaeth i Deuluoedd
Gwybodaeth am ofal plant, gweithgareddau a gwasanaethau i blant a phobl ifanc a chymorth i deuluoedd yn y Fro
Ni yw’r lle cyntaf y mae teuluoedd yn mynd ato i chwilio am wybodaeth ac arweiniad ar:
- Opsiynau gofal plant gan gynnwys gwarchodwyr plant, gofal plant y tu allan i'r ysgol, cynlluniau gwyliau, cylchoedd chwarae, a meithrinfeydd dydd.
- Help gyda chostau gofal plant,gan gynnwys cyllid Cynnig Gofal Plant 30 awr Llywodraeth Cymru ar gyfer rhieni sy'n gweithio neu fyfyrwyr mewn addysg bellach neu uwch.
- Grwpiau rhieni a phlant bachgweithgareddau cyn ysgol a dechrau yn yr ysgol feithrin..
- Gweithgareddau a gwasanaethau i blant a phobl ifanc
- Gwasanaethau cymorth i deuluoedd gan gynnwys Index i Blant a Phobl Ifanc ag Anableddau neu Anghenion Ychwanegol.
Rhaglen Gwyliau'r Haf
Mae'r Gwasanaeth Gwybodaeth i Deuluoedd (GGiD) yng Nghyngor Bro Morgannwg wedi ymuno â sefydliadau lleol i gyflwyno detholiad eang o weithgareddau a digwyddiadau yn ystod yr haf eleni.
Mae ein Rhaglen Haf yn edrych ychydig yn wahanol eleni oherwydd problemau technegol gyda’n cronfa ddata arferol. Rydym wedi symud i blatfform newydd ac yn parhau i ychwanegu gweithgareddau, digwyddiadau a chyfleoedd wrth i wybodaeth ddod i law. Cofiwch wirio’n rheolaidd i weld beth sy’n newydd ac i sicrhau nad ydych yn colli unrhyw beth sy’n digwydd ledled y Fro yr haf hwn.
Sylwer: Ni all Cyngor Bro Morgannwg fod yn atebol am y gwasanaethau a ddarperir gan unrhyw sefydliad allanol a enwir yn y rhaglen hon. Nid yw rhestru sefydliad yn awgrymu bod Cyngor Bro Morgannwg yn cymeradwyo'r sefydliad hwnnw, ac nid yw absenoldeb unrhyw sefydliad yn awgrymu nad ydym yn ei gefnogi. Rydym yn eich annog i gysylltu â'r trefnydd yn uniongyrchol i sicrhau bod y gweithgaredd yn mynd rhagddo. Ein nod yw darparu gwybodaeth am amrywiaeth o weithgareddau lleol; fodd bynnag, nid yw'r rhain wedi'u gwirio na'u cymeradwyo gennym ni. Cysylltwch â darparwyr y gweithgareddau’n uniongyrchol i drafod unrhyw gwestiynau sydd gennych, gan gynnwys mesurau diogelu a gwiriadau GDG ar gyfer staff a gwirfoddolwyr.
Gallwch hefyd bori gan ddefnyddio ein categorïau gweithgareddau newyddsy'n eich galluogi i archwilio mathau penodol o weithgareddau sydd ar gael trwy gydol y 6 wythnos lawn. Mae hyn yn ei gwneud hi'n hawdd dod o hyd i rywbeth hwyliog ac addas i bob plentyn a pherson ifanc!
Gweithgareddau Cynhwysol– Gweithgareddau sydd wedi'u dylunio i fod yn hygyrch ac yn groesawgar i bob plentyn a phobl ifanc, gan gynnwys y rhai ag anghenion ychwanegol neu anableddau, gan sicrhau bod pawb yn gallu cymryd rhan a theimlo eu bod yn cael eu cefnogi yn felyn.
Celfyddydau a Chrefftau- Gweithgareddau creadigol sy'n cynnwys gwneud neu ddylunio pethau, fel paentio, darlunio, modelu, neu weithgareddau crefft ymarferol eraill.
Gwersylloedd Haf- Rhaglenni strwythuredig sy'n rhedeg dros sawl diwrnod neu wythnosau, fel arfer yn cynnig amrywiaeth o weithgareddau a darpariaeth gofal plant
Chwaraeon- Gweithgareddau corfforol sy'n canolbwyntio ar symud, ffitrwydd, neu gemau tîm, fel pêl-droed, nofio, gymnasteg, neu sesiynau aml-gamp.
Diwrnodau Allan i’r Teulu- Gweithgareddau neu ddigwyddiadau sydd wedi'u cynllunio i deuluoedd eu mwynhau gyda'i gilydd, yn hytrach na sesiynau gollwng i blant yn unig.
Cerddoriaeth, Dawns a Theatr- Gweithgareddau sy'n canolbwyntio ar berfformio neu fynegiant creadigol, fel canu, chwarae offerynnau, dawnsio, gweithdai drama, neu berfformiadau llwyfan.
Gweithgareddau am ddim- Gweithgareddau neu ddigwyddiadau nad oes unrhyw gost i'w mynychu, gan gynnwys y rhai sy'n cael eu hariannu'n llawn neu sy'n cael eu cynnig am ddim i deuluoedd.
Chwilio am ofal plant cofrestredig?
Gallwch ddod o hyd i ddarparwyr gofal plant cymeradwy gan ddefnyddio ein chwiliad yma.Mae dewis gofal plant cofrestredig yn golygu y byddwch yn gallu cael mynediad at leoedd gofal plant a ariennir a chymorth arall gyda chostau gofal plant.
Daliwch ati i edrych!
Byddwn yn ychwanegu mwy o weithgareddau trwy gydol yr haf, felly peidiwch anghofio ailymweld â'r dudalen hon am y wybodaeth ddiweddaraf.
Cael HysbysiadHoffech chi fod y cyntaf i wybod pryd fydd y Rhaglen Haf yn mynd yn fyw? Gallwch gofrestru ar ein rhestr bostio yma i dderbyn diweddariadau yn syth i'ch mewnflwch.
I siarad â’r Gwasanaeth Gwybodaeth i Deuluoedd, ffoniwch ni ar0808 281 6727 and select Option 2 for Information, or email: familycompass@valeofglamorgan.gov.uk
Cwblhewch ein ffurflen ymholi: Enquiry Form
Rhowch eich cyfeiriad e-bost i danysgrifio i'r Rhestr Bostio Rhaglen Wyliau:
Adborth: Diolch i bawb a gwblhaodd ein harolwg y llynedd a rhannu eu hadborth ar y rhaglen, gan gynnwys y cynnwys a'r fformat. Mae eich mewnbwn wedi ein helpu i ddatblygu ffordd newydd, haws o chwilio am weithgareddau yn ôl oedran, wythnos, neu gategori.
Rydyn ni bob amser yn awyddus i wella, felly byddem wrth ein bodd yn clywed oddi wrthych. Rhowch wybod i ni os oes gennych unrhyw adborth neu awgrymiadau pellach.
Tystebau
“Ffoniais y GGiD i ofyn am ofal plant ar ôl ysgol, gofal plant yn ystod gwyliau’r ysgol a chyllid, a hefyd sut i wneud cais am hyn. Mae gan y tîm lawer iawn o wybodaeth, ac fe wnaethant fy helpu ar unwaith. Maent yn barchus iawn, maent yn gwrando, ac maent yn gyfeillgar. Maen nhw eisiau helpu. Rydw i wedi eu hargymell i fy ffrindiau."
"Roeddech chi’n help mawr i mi, gan anfon rhestrau o’r holl ofal plant sydd ar gael yn fy ardal i er mwyn i mi fynd yn ôl i'r gwaith a'r coleg. Rwy'n eich argymell chi i rieni eraill."
"Fe wnes i gysylltu â nhw, gan fy mod i eisiau meithrinfa cyfrwng Cymraeg i fy mab. Daethant yn ôl ataf yn gyflym iawn. Fe wnaethant hefyd ddweud wrthyf am y Cynnig Gofal Plant. Mae'r tîm mor ddefnyddiol. Mae dim ond angen eu ffonio nhw."
Adroddiadau
Asesiad Digonolrwydd Gofal Plant
Rydym yn falch o gyflwyno Asesiad Digonolrwydd Gofal Plant 2022. Mae’n rhoi trosolwg o ddarpariaeth gofal plant a'r galw ym Mro Morgannwg, gan gwmpasu'r nifer o ffactorau gwahanol gan gynnwys barn rhieni, ysgolion, darparwyr gofal plant a rhanddeiliaid allweddol.